سوفيان مرجع: نصيحة لي عندو شي بلاصة يشدها ولي ما عندوش يشد لرض
اصدر المسؤول عن ترشيحات حزب الحركة الشعبية، السيد سوفيان مرجع، توضيحا على صفحته الخاصة بالفايس بوك، ليضع حدا ، حسب تصريحه، للاشاعات المغرضة التي تروج حول التحاق مجموعة من المغضوب عليهم من احزاب اخرى الى لوائحه.
حيث جاء في تدوينته ما يلي:
هذا توضيح باش نوضعوا حد لكثرة الإشاعات و كثرة القيل و القال:
فاش قررت ندخل للإنتخابات بإسم الحركة الشعبية درت أمام عيني 3 ديال الأسس لا تنازل عنها:
– التجديد
– الشباب
– الكفاءات
هاذ 3 ديال الأسس إلى كنت مضطر نسمح فوحدة فيهم فأنا ممكن نتراجع على الترشح بصفة كلية و مايمكنش لي نافق نفسي و نافق المتتبعين و المهتمين.
إذا راه ما كاين لا ترحال و لا حتى لعبة، كل واحد الله يسهل عليه و يوفقوا فالتوجه ديالوا.
و هاذ الكلام و الأخبار و الإشاعات هي مجرد محاولة تشويش الغرض منها ندخلوا فدوامة صراع و نقاش لا نهاية ليهم.
حنا ماعندنا مشكل حتى مع شي واحد، حنى جينا و قررنا ناخدوا “مبادرة فقط” بغينا نحاولوا نديروا بركة ديالنا في تسيير الشأن العام بإشراك مختلف مكونات المجتمع فاللوائح كيف ما كان سبقلي نشرت تدوينة فهاذ الموضوع، ماشي الإستعانة بالميركاتوا الحزبي و الرُّحَل الموسميين.
و نصيحتي لبعض الأصدقاء و الإخوة، لي عندوا شي بلاصة يشدها، و لي مالقاش بلاصتوا يْكْوْن و يشد الأرض.
و فالأخير، راه اللوائح ديالنا واجدة و سديناها و فضينها و غادي نحطوا الترشيحات ديالنا في الساعات القليلة القادمة.
